UniPOS

Tez-tez verilən suallar

Kassa proqramı haqqında tez-tez verilən suallar

UniPOS kassa proqramı, QR menyu, anbar uçotu, internetsiz iş, E-Kassa və qiymətlər haqqında qısa cavablar. Cavab tapmadıqda bizimlə əlaqə saxlaya bilərsiniz.

Ümumi suallar

UniPOS nədir?

UniPOS restoran və kafelər üçün kassa proqramı və idarəetmə sistemidir. Sistemə POS kassa, ofisiant tətbiqi, mətbəx ekranı (KDS), QR menyu, veb idarəetmə paneli və UniPOS Manager mobil tətbiqi daxildir.

UniPOS hansı müəssisələr üçün nəzərdə tutulub?

Restoran, kafe, qəhvəxana, fast food, bar, bilyard və oyun klubları, həmçinin otel restoranları üçün. Bu müəssisələr üçün saatlıq hesablama, depozit və otel rejimi mövcuddur.

Proqram hansı dillərdə işləyir?

Kassa Azərbaycan, ingilis, rus və türk dillərində mövcuddur. İdarəetmə paneli və UniPOS Manager Azərbaycan, rus və ingilis dillərində, QR menyu isə hazırda yalnız Azərbaycan dilindədir.

Bir neçə filialı mərkəzləşdirilmiş qaydada idarə etmək mümkündürmü?

Bəli. İdarəetmə panelində filiallar arasında keçid, filiallararası satış və transfer, filial hesabatları və menyunun digər filiallara köçürülməsi mövcuddur. UniPOS Manager tətbiqində bütün filialları birlikdə izləmək olar.

UniPOS-a keçid necə başlayır?

Pulsuz demo üçün müraciətlə başlayır. Daha sonra menyu, zallar, printerlər və əməkdaşlar sizinlə birlikdə sistemə daxil edilir, işçilərə təlim keçirilir.

POS kassa və avadanlıq

Kassa proqramı hansı cihazlarda işləyir?

Kassa Windows kompüterlərdə və POS monobloklarda işləyir. Ofisiantlar Android və iOS telefon və planşetlərdən istifadə edir, mətbəx ekranı isə sistemə qoşulmuş istənilən ekranda açılır.

Hansı printerlər qoşula bilər?

USB, COM və ya LAN ilə qoşulan çek və mətbəx printerləri. Mətbəx çeki kateqoriya və ya məhsul üzrə təyin olunmuş printerdə çap olunur, bütün çapı əsas kassadan idarə etmək də mümkündür.

Bir neçə kassa və ofisiant telefonu birlikdə işləyə bilərmi?

Bəli. Əlavə kassalar və ofisiant telefonları restorandakı şəbəkə vasitəsilə əsas kassaya qoşulur. Sifarişlər və masalar bütün cihazlarda eyni anda yenilənir.

Ofisiantlar sistemə necə daxil olur?

Hər ofisiant şəxsi PIN kodu və ya RFID/NFC kartı ilə daxil olur. Kassa müəyyən müddət istifadə olunmadıqda PIN ekranına qayıdır, hər əməkdaş yalnız ona icazə verilmiş əməliyyatları icra edə bilir.

Çeki bölmək və iki üsulla ödəniş qəbul etmək mümkündürmü?

Bəli. Çek məhsullar üzrə bölünə, çeklər birləşdirilə, ödəniş isə iki üsul arasında bölünə bilər. Endirim, servis haqqı və ikram da kassada tətbiq olunur.

E-Kassa ilə inteqrasiya varmı?

Bəli, Omnitech, Sunmi/Caspos, OneClick/Vizar, DataPay və AzSmart/SmartOne ilə. Satış, qaytarma, X hesabatı, növbənin açılıb bağlanması və çekin surəti kassadan icra edilir.

İnternetsiz iş və məlumatların qorunması

İnternet kəsildikdə kassa işləyirmi?

Bəli, sifariş, ödəniş və çap dayanmır. Məlumatlar kassa kompüterinin özündə saxlanılır və bağlantı bərpa olunduqda avtomatik olaraq serverə göndərilir.

Məlumatların serverə göndərilməsini necə yoxlamaq olar?

Kassada bunun üçün ayrıca pəncərə mövcuddur. Orada bağlantının vəziyyəti və serverə göndərilməyi gözləyən əməliyyatların sayı göstərilir.

Əməkdaşların əməliyyatlarını izləmək mümkündürmü?

Bəli. Kassa hər çekin əməliyyat tarixçəsini saxlayır və hər silinmənin səbəbini qeyd edir. İdarəetmə panelində dəyişikliklərdən əvvəlki və sonrakı vəziyyət, girişlər və şübhəli əməliyyatlar jurnalı mövcuddur.

Əməkdaşların icazələri necə məhdudlaşdırılır?

Ofisiantlar üçün kassada 40-dan çox icazə ayrı-ayrılıqda açılıb bağlana bilər. İdarəetmə panelinin istifadəçiləri üçün üç səviyyə (tam, redaktə, yalnız baxış) və bölmələr üzrə icazələr nəzərdə tutulub.

Sahibkar şübhəli əməliyyatlar barədə necə məlumat alır?

UniPOS Manager silinmə, ödəniş, kassa və fiskal çeklər barədə telefonunuza bildiriş göndərir. Kassa WhatsApp vasitəsilə də xəbərdarlıq göndərə bilər, izlənəcək hadisələri və filialları siz seçirsiniz.

Məlumatlar kimə məxsusdur və necə qorunur?

Restoranın məlumatları restoranın özünə məxsusdur. Mobil tətbiq serverlərimizlə HTTPS/TLS üzərindən şifrəli əlaqə saxlayır, tətbiq PIN, barmaq izi və ya Face ID ilə kilidlənə bilər. Ətraflı məlumat Məxfilik siyasətində verilib.

QR menyu

Qonaq QR menyu üçün tətbiq yükləməlidirmi?

Xeyr. Qonaq QR kodu skan etdikdə menyu telefonun brauzerində açılır. Kateqoriyalar, axtarış və səbət də orada mövcuddur.

Qonaq masadan sifariş verə bilərmi?

Bəli, masanın üzərindəki QR kod vasitəsilə, çünki hər masanın öz QR kodu var. Qonaq sifarişin statusunu telefonunda izləyir, QR menyuda onlayn ödəniş nəzərdə tutulmayıb.

QR menyudan verilən sifariş kassaya necə daxil olur?

Sifariş yalnız masanın QR kodu ilə verilir və həmin masa üzrə kassaya daxil olur. Birbaşa rejimdə sifariş masanın çekinə yazılır və mətbəx çeki avtomatik çap olunur, əl ilə rejimdə isə işçi bildirişdən sifarişi qəbul və ya rədd edir.

Menyu dəyişdirildikdə QR menyu nə qədər tez yenilənir?

İdarəetmə panelində edilən dəyişiklik QR menyuda təxminən 10 saniyə ərzində görünür. Qiymət dəyişdikdə menyunu yenidən çap etmək tələb olunmur.

QR menyunun dizaynını dəyişmək mümkündürmü?

Bəli. İdarəetmə panelində 13 rəng mövzusu və 4 düzülüş variantından biri seçilir. Wi-Fi, ünvan, xəritə və sosial şəbəkələr də oradan əlavə olunur.

QR menyu hansı dildədir?

Qonaq interfeysi hazırda yalnız Azərbaycan dilindədir. Çoxdilli menyu hələ mövcud deyil.

Anbar uçotu və hesabatlar

Satış zamanı anbar qalığı avtomatik azalırmı?

Bəli. Məhsula texniki kart bağlanır və məhsul satıldıqda onun inqrediyentləri anbardan silinir. Qalığı azalan və ya mənfiyə düşən mallar ayrıca işarələnir.

İnventarizasiya necə aparılır?

İdarəetmə panelində sayım sənədi yaradılır, nəticələr əl ilə və ya Excel/CSV faylından daxil edilir. Uçot FIFO üsulu ilə aparılır, fərqlər avtomatik hesablanır.

Bir neçə anbarla işləmək mümkündürmü?

Bəli. Satış, əsas və mətbəx anbarı yaradıb mallar onların arasında köçürülə bilər. İstehsal, silinmə, qaytarma, təchizatçılar və onlara olan borclar da burada qeydə alınır.

Hansı hesabatlar mövcuddur?

POS, məhsul, ofisiant, vergi, ödəniş, növbə, zal və masa hesabatları, həmçinin mənfəət və əməkhaqqı hesabatları. Hesabatların əksəriyyəti PDF və Excel formatında yüklənir.

Mənfəəti və maya dəyərini görmək mümkündürmü?

Bəli. Mənfəət hesabatı gəlir, xərc, marja və kassa qalıqlarını göstərir, maya dəyəri hesabatı isə hər məhsulun maya dəyərini texniki karta əsasən hesablayır.

Hesabatları telefondan izləmək mümkündürmü?

Bəli. UniPOS Manager tətbiqində 17 hesabat mövcuddur, əsas ekran isə 15 növ vidjetdən sizin seçiminizlə qurulur. Hər vidjet üçün tarix və filial ayrıca seçilir.

UniPOS Manager-dəki AI köməkçi nə edir?

AI köməkçi restoranın real məlumatları əsasında suallarınıza cavab verir: satış, çeklər, hesabatlar, xərclər, kassa, anbar qalıqları, maya dəyəri və əməkdaşlar üzrə. Sual yazılı və ya səsli verilə bilər; köməkçi məlumatları yalnız oxuyur, heç bir dəyişiklik etmir və restoran üçün ayrıca qoşulan moduldur.

Qiymət və dəstək

UniPOS-un qiyməti nə qədərdir?

Qiymət kassaların sayından və seçilmiş modullardan asılıdır. Qiymətlər səhifəsində lazım olan modulları seçə və ya qiymət təklifi üçün bizimlə əlaqə saxlaya bilərsiniz.

Pulsuz demo əldə etmək mümkündürmü?

Bəli. Müraciətinizdən sonra UniPOS-u canlı nümayiş etdirir və sistemin müəssisənizdə necə tətbiq olunacağını izah edirik.

Quraşdırma və təlimi kim həyata keçirir?

Bizim komanda. Menyu, zallar, printerlər, əməkdaşlar və E-Kassa bağlantısı sizinlə birlikdə qurulur, kassir və ofisiantlara təlim keçirilir.

Mövcud menyunun köçürülməsi çətindirmi?

Xeyr, quraşdırma zamanı menyunu sizinlə birlikdə sistemə daxil edirik. Sonradan yeni məhsullar idarəetmə panelindən, icazəsi olan əməkdaş tərəfindən isə birbaşa kassadan əlavə edilə bilər.

Dəstək xidməti ilə necə əlaqə saxlamaq olar?

+994 77 501 25 07 nömrəsinə zəng edə və ya WhatsApp vasitəsilə yaza bilərsiniz. E-poçt ünvanımız: [email protected].

UniPOS-un sizin menyunuz əsasında nümayişi

Demo üçün müraciət edin. Proqramı sizin menyunuz və zallarınız əsasında nümayiş etdirəcəyik.

ZəngWhatsAppDemo